کراچی: رینجرز نے شہر قائد کو تباہی سے بچالیا اور سرجانی ٹاؤن میں رینجرز نے کارروائی کرکے زیر زمین دبایا گیا بھاری اسلحہ برآمدکرلیا۔ اسلحہ میں ہیوی مشین گن ، 5 ایل ایم جی سمیت دیگر رائفلیں اور گولیاں شامل ہیں۔
ذرائع کے مطابق رینجرز نے سرجانی ٹاؤن کے سیکٹر 8بی میں بھاری تعداد میں اسلحہ برآمد کرلیا، اسلحےکو زمین میں دباکر اوپرواش روم بنایاگیاتھا۔
کارروائی کے دوران برآمد کیے گئے اسلحے میں ایک ہیوی مشین گن،5 ایل ایم جی،4 جی تھری رائفل ،8سب مشین گنیں،4 ایٹ ایم ایم رائفل، 5 رپیٹر،6 پستول اور 5500 گولیاں بھی شامل ہیں۔
ذرائع کا کہنا ہے کہ اسلحہ گرفتارملزم کی نشاندہی پر برآمد ہوا،اسلحے کا تعلق سیاسی جماعت سے ہے جسے چند ماہ پہلے گھرمیں دبایاگیاتھا۔
