ممبئی: انڈین فلموں کے مشہور اداکار پرکاش راج ایک فلم کی شوٹنگ کے دوران زخمی ہو گئے ہیں۔ انھیں فوری طور پر ایمبیولینس کے ذریعے ہسپتال پہنچایا گیا جہاں ان کا علاج کیا جا رہا ہے۔
انڈین میڈیا رپورٹس کے مطابق پرکاش راج جو ان دنوں چنئی شہر میں اپنی آنے والی فلم ڈی 44 کی شوٹنگ میں مصروف ہیں ایک سین کی فلمبندی کے دوران شدید زخمی ہوئے۔
پرکاش راج کے زخمی ہونے سے پورے فلم سٹاف میں کھلبلی مچ گئی۔ وہاں موجود پروڈیوسر نے فوری طور پر امدادی ٹیم کو اطلاع دی۔
A small fall.. a tiny fracture.. flying to Hyderabad into the safe hands of my friend Dr Guruvareddy for a surgery. I will be fine nothing to worry .. keep me in your thoughts 😊😊😊🤗🤗🤗
— Prakash Raj (@prakashraaj) August 10, 2021
ریسکیو ٹیموں نے سیٹ پر پہنچ کر اداکار پرکاش راج کو فوری طور پر طبی امداد دی اور ایمبیولینس کے ذریعے انھیں ہسپتال پہنچایا۔
ہسپتال انتظامیہ کا کہنا ہے کہ شوٹنگ کے دوران چوٹ لگنے سے اداکار پرکاش راج کے ہاتھ کی ہڈی ٹوٹ چکی ہے جس کی سرجری ہونا ضروری ہے۔ انھیں آپریشن کیلئے حیدر آباد منتقل کیا جائے گا۔
اداکار پرکاش راج نے سماجی رابطوں کی ویب سائٹ ٹویٹر پر جاری پیغام میں مداحوں کو اپنی صحت بارے آگاہ کرتے ہوئے کہا کہ ان کا ہاتھ فریکچر ہو گیا ہے، مجھے اپنی دعاؤں میں یاد رکھیں، امید ہے کہ میں جلد ٹھیک ہو جاؤں گا۔
