کراچی: ملک بھر میں سونے کی قیمت نے نیا ریکارڈ قائم کر دیا، جہاں فی تولہ سونا 10 ہزار روپے مہنگا ہو کر 3 لاکھ 38 ہزار 800 روپے تک پہنچ گیا ہے۔
آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت میں 8 ہزار 573 روپے کا اضافہ ہوا، جس کے بعد نئی قیمت 2 لاکھ 90 ہزار 466 روپے مقرر کی گئی۔
بین الاقوامی مارکیٹ میں بھی سونا مہنگا ہو گیا ہے، جہاں فی اونس قیمت 100 ڈالر کے اضافے کے بعد 3218 ڈالر ہو گئی ہے۔
ماہرین کے مطابق موجودہ عالمی اور ملکی معاشی صورتِ حال، سرمایہ کاری کے رجحانات، اور ڈالر کی قیمت میں تبدیلی سونے کی قیمت میں اضافے کی بڑی وجوہات ہیں۔
