ممبئی: بالی ووڈ کے لیجنڈری اداکار رشی کپور جو کہ سماجی رابطے کی ویب سائٹ ٹوئٹر پر کافی سرگرم نظر آتے ہیں اور وہ دلیرانہ انداز میں ٹویٹس بھی کرتے رہتے ہیں۔ ان کے بارے میں مشہور ہے کہ ان کے ٹویٹس پر کوئی بھی ردعمل آئے وہ اس کی فکر نہیں کرتے لیکن اس دفعہ انہوں نے یوٹرن لیا۔
اپنے تازہ ٹویٹ میں انہوں نے بھارتی عوام سے انڈین پریمیئر لیگ میں پاکستانی کھلاڑیوں کو شامل کرنے کے مطالبے پر معافی مانگ لی۔ ان کا مزید کہنا تھا کہ تالی دونوں ہاتھوں سے بجتی ہے۔
Sorry India.Tried to broker peace via actors,films,sports etc..with Pakistan,but they just want hatred,so be it!Taali do haath se bajti hai!
— Rishi Kapoor (@chintskap) April 10, 2017
واضح رہے اس سے پہلے رشی کپور کا کہنا تھا کہ آئی پی ایل میں دنیا بھر کے کرکٹر کھیل رہے ہیں اور اب افغانستان بھی کھیلنے کو تیار ہے جب کہ میری درخواست ہے کہ پاکستانی کھلاڑیوں کو بھی آئی پی ایل میں لیا جائے تاکہ اچھے مقابلے دیکھ سکیں۔
پاکستانی کھلاڑیوں کو آئی پی ایل کے پہلے ایڈیشن میں شامل کیا گیا تھا جس کے بعد سے اب تک ان پر غیر اعلانیہ پابندی عائد ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
