لاہور: معروف پاکستانی گلوکارعاطف اسلم کی فلوریڈا کے شہر اورلینڈو کی ایک مسجد میں خوبصورت اور سریلی آواز میں اذان دینے کی ویڈیو وائرل ہو گئی۔
مختلف سوشل میڈیا پلیٹ فارمز پر ایک شخص کی سُریلی آواز میں اذان دینے کی ویڈیو وائرل ہو رہی ہے جس کے بارے میں کہپا جا رہا ہے کہ وہ پاکستانی گلوکار عاطف اسلم ہیں۔
عاطف اسلم کی اذان کی ویڈیو کو سوشل میڈیا پلیٹ فارمز پر بڑے پیمانے پر شیئر کیا گیا ہے، سوشل میڈیا صارفین اس ویڈیو کو بہت زیادہ پسند کر رہے ہیں اور ان کی مسحور کُن آواز سے لطف اندوز ہو رہے ہیں، ان کی اذان دینے کو ویڈیو بہت سے سامعین کے دلوں کو چھو گئی اور انہیں روحانی اظہار کے میدان میں ایک نئی عزت ملنے کا سلسہ شروع ہو گیا۔
#AtifAslam beautifully calls the adhaan at a mosque in Orlando, and netizens are in absolute awe of his recitation. MashAllah ❤️ pic.twitter.com/STrj9JjGOu
— Sheb Jafry || یا علی (@Sexy_beast_CR7) October 9, 2023
اس سے قبل عاطف اسلم نے اپنے یوٹیوب چینل پر اپنی آواز میں اذان ریکارڈ کر کے مداحوں سے شیئر بھی کر رکھی ہے۔ خیال رہے کہ عاطف اسلم اس سے قبل اپنی آواز میں نعت اور حمد بھی پڑھتے رہے ہیں اور کوک اسٹوڈیو کے لیے ان کی قوالی 'تاجدارِ حرم'بے حد مقبول ہوئی۔
پاکستانی گلوکارہ آئمہ بیگ نے بھی اس ویڈیو کو اپنی انسٹا اسٹوری پر شیئر کیا اور کیپشن میں لکھا 'خواب'۔
دوسری جانب اداکار بلال قریشی نے بھی اس ویڈیو کو انسٹا اسٹوری پر شیئر کیا اور لکھا ہے کہ 'ما شاء اللّٰہ! میں نے ایک بار عاطف اسلم کو یہ کہتے سنا تھا کہ ان کی سب سے بڑی خواہش ہے کہ وہ خانہ کعبہ میں اذان دیں'۔
واضح رہے کہ عاطف اسلم ان دنوں اپنے کنسرٹس کے سلسلے میں امریکا کی مختلف ریاستوں کا دورہ کر رہے ہیں۔
