جھنگ: صوبہ پنجاب کے شہر جھنگ میں ایک کم سن طالبہ کے ساتھ نازیبا حرکات کرنے والے استاد کو گرفتار کر لیا گیا۔پولیس کے مطابق جھنگ کے موضع کلکرائی میں 2 ماہ قبل ایک درسگاہ کے استاد انوار القمر نے 13 سالہ طالبہ سے نازیبا حرکات کیں اور اس کی ویڈیو بھی بنائی۔
بعدازاں مذکورہ استاد کا موبائل فون گم ہو گیا اور جسے یہ موبائل فون ملا اُس نے یہ ویڈیو سوشل میڈیا پر اَپ لوڈ کر دی جو بعدازاں وائرل ہو گئی۔
Last night I got sent a disturbing video of a young girl being attacked by this man. Traced out the location & my Ministry chkd out the case & sent me this report earlier this evening: pic.twitter.com/84ogCf1cWq
— Shireen Mazari (@ShireenMazari1) October 9, 2018
وفاقی وزیر برائے انسانی حقوق شیریں مزاری نے بھی ویڈیو دیکھنے کے بعد گزشتہ روز ٹوئٹر پر اپنے پیغام میں بتایا کہ 'گزشتہ رات میں نے ایک استاد کی جانب سے ایک بچی سے نازیبا حرکات سے متعلق ویڈیو دیکھی جس کے بعد میری وزارت نے اس کیس کو دیکھا اور مجھے رپورٹ دی'۔
شیریں مزاری نے مزید لکھا 'ڈسٹرکٹ پولیس افسر (ڈی پی او) جھنگ نے یہ اطلاعات فراہم کی ہیں کہ ملزم انوار الحق کو جھنگ پولیس نے گرفتار کر لیا ہے۔ یہ واقعہ ٹوبہ ٹیک سنگھ میں پیش آیا تھا اور ملزم نے اپنے جرم کا اعتراف کر لیا ہے۔'
واضح رہے کہ ویڈیو وائرل ہونے کے بعد ملزم جھنگ سے فرار ہو گیا تھا جسے پولیس نے لاہور سے گرفتار کر لیا۔ملزم انوار الحق کو مزید تفتیش کے لیے ٹوبہ ٹیک سنگھ کے تھانہ رجانہ منتقل کر دیا گیا ہے۔
+
