اسلام آباد:پاکستان کی معروف اداکارہ ہانیہ عامر ان دنوں کینیڈا میں وقت گزار رہی ہیں، جہاں وہ مختلف ایونٹس میں شرکت، فینز سے ملاقات اور انٹرویوز دیتی نظر آ رہی ہیں۔ حال ہی میں ان کی ایک ویڈیو منظر عام پر آئی ہے، جس میں وہ بھارتی نژاد پنجابی ڈی جے کی پارٹی میں سرپرائز انٹری کرتی دکھائی دیتی ہیں۔
ہانیہ عامر کے دنیا بھر میں مداح موجود ہیں، جو ان کی اداکاری کے ساتھ ساتھ سوشل میڈیا پر ان کے متحرک رہنے اور دلچسپ ویڈیوز شیئر کرنے کو بھی پسند کرتے ہیں۔ ان کا انسٹاگرام پر سب سے زیادہ فالوورز ہیں، جو ان کی ہر پوسٹ کو بے صبری سے انتظار کرتے ہیں۔
ویڈیو میں بھارتی نژاد پنجابی ڈی جے ووڈکا نے ہانیہ کی سرپرائز انٹری پر خوشی کا اظہار کرتے ہوئے کہا کہ جب وہ ڈیکس پر پہنچے تو انہیں لگا کہ آج کی رات خاص ہونے والی ہے، مگر ہانیہ کی آمد نے پارٹی میں ایک نیا جوش پیدا کر دیا۔ انہوں نے ہانیہ کو دنیا کی "کرش" اور پارٹی کی روح قرار دیتے ہوئے کہا کہ ان کی موجودگی نے پارٹی میں خاص سماں بندھادیا۔
