اسلام آباد: محکمہ موسمیات نے آئندہ چند دنوں میں موسم میں تبدیلی کی پیش گوئی کی ہے۔ آج ملک کے بیشتر علاقوں میں موسم خشک رہنے کی توقع ہے، تاہم رات کے اوقات میں سردی میں اضافہ ہونے کا امکان ہے۔
محکمہ موسمیات کے مطابق گلگت بلتستان، بالائی خیبر پختونخوا اور کشمیر کے بعض حصوں میں پیر کو بارش اور پہاڑوں پر ہلکی برفباری ہو سکتی ہے۔ مری اور گلیات میں بھی ابر آلود موسم رہنے کے ساتھ ساتھ بارش اور برفباری کی توقع ہے۔
اس کےعلاوہ خطہ پوٹھوہار اور شمال مشرقی پنجاب میں جزوی طور پر موسم ابر آلود رہے گا، جہاں چند مقامات پر تیز ہواؤں اور گرج چمک کے ساتھ بارش کا امکان ہے۔
