ابو ظبی : معروف بالی وڈ اداکار اور گلوکار دلجیت دوسانجھ نے حال ہی میں ابوظبی کی شیخ زاید جامع مسجد کا دورہ کیا اور اس کی ایک ویڈیو سوشل میڈیا پر شیئر کی۔
اس ویڈیو میں دلجیت نے مسجد کی خوبصورت طرز تعمیر کا معائنہ کیا اور وہاں موجود اپنے مداحوں کے ساتھ سیلفیاں بھی بنوائیں۔
دلجیت دوسانجھ نے اس ویڈیو میں شیخ زاید جامع مسجد کی جلالت اور شان کو اجاگر کرتے ہوئے قصیدہ بردہ شریف کا بھی خوبصورتی سے استعمال کیا، جس نے ویڈیو کو ایک روحانی اور ثقافتی رنگ دے دیا۔
ویڈیو نے سوشل میڈیا پر تیزی سے مقبولیت حاصل کی اور چند گھنٹوں میں لاکھوں افراد نے اسے لائیک اور شیئر کیا۔
