مصطفی نواز کھوکھر کا استعفیٰ منظور، نوٹیفکیشن بھی جاری

اہم خبریں پاکستان 
  نیوویب ڈیسک
مصطفی نواز کھوکھر کا استعفیٰ منظور، نوٹیفکیشن بھی جاری

اسلام آباد: چیئرمین سینیٹ صادق سنجرانی نے پاکستان پیپلز پارٹی (پی پی پی) کے رہنما مصطفی نواز کھوکھر کا استعفیٰ منظور کر لیا ، جس کا نوٹیفکیشن بھی جاری کر دیا گیا ہے ۔

سینیٹ سیکرٹریٹ نے مصطفیٰ نواز کھوکھر کی سینیٹ سے نشست خالی قرار دیدی ۔ پی پی پی رہنما نے استعفیٰ کی وجہ بتاتے ہوئے کہا تھا کہ پارٹی کے سینئر لیڈر سے ملاقات ہوئی تھی ، پارٹی قیادت میرے سیاسی عہدوں سے خوش نہیں اور سینیٹ سے میرا استعفیٰ مانگا ہے ۔

وزیراعظم شہباز شریف کی ترک صدر اردوان سے ملاقات، دو طرفہ تعلقات کو مستحکم کرنے پر تبادلہ خیال

ان کا کہنا تھا کہ میں نے بخوشی استعفیٰ دینے پر رضامندی ظاہر کر دی اور کل چیئرمین سینیٹ صادق سنجرانی کو ذاتی طور پر استعفیٰ پیش کروں گا ۔ آج انہوں نے چیئرمین سینیٹ کو باقاعدہ اپنا استعفی پیش کیا ہے جس کی تصویر انہوں نے ٹوئٹر بھی شیئر کی ہے ۔

مصنف کے بارے میں