راولپنڈی : پاکستانی فوج کے ترجمان اور ڈی جی آئی ایس پی آر میجر جنرل آصف غفور نے عوام کو خبردار کرتے ہوئے بتایا کہ کسی نامعلوم شخص کو اپنے ذاتی بینک اکائونٹس کی تفصیلات نہ بتائیں چاہے وہ فوج کا نمائندہ کیوں نہ ہو ۔
تفصیلات کے مطابق ڈی جی آئی ایس پی آر میجر جنرل آصف غفور باجوہ نے سماجی رابطے کی ویب سائٹ ٹوئیٹر پر اپنے پیغام میں کہا ہے کہ کچھ لوگ اپنے آپ کو پاک فوج کا افسر یا نیب کا نمائندہ ظاہر کر کے لوگوں کے بینک اکائونٹس کی تفصیلات حاصل کر رہے ہیں ، ایسے افراد کو بالکل گھاس نہ ڈالیں بلکہ فوری طور پر سیکیورٹی اداروں سے رابطہ کریں ۔
Please be aware of criminals calling innocent citizens mostly impersonating as Army representatives or bank staff to obtain your banking information. Stay alert and responsible. pic.twitter.com/9xtG7n2vW0
— Asif Ghafoor (@peaceforchange) November 10, 2018
انھوں نے کہا کہ اب تک کئی ایسے کیسز سامنے آ چکے ہیں جس میں بذریعہ کال لوگوں سے رابطہ کر کے بینک اکائونٹس کی تفصیلات حاصل کی گئی ہیں اور پھر انہیں جعلسازی کا نشانہ بنایا گیا ہے ۔
