ایلوویرا کے جوس کے انسانی صحت پر جادوئی اثرات

لاہور: ایلوویرا ایک ایسا پودا ہے جو موسمی تبدیلیوں کا پابند نہیں۔ اس قدرتی تحفے مختلف بیماریوں کی شفاءہے اس پودے کے اجزاءجسم کے اوپر بھی لگائے جاتے ہیں اور اندرونی طور پر بھی بطوردوااستعمال ہوتے ہیں۔ لیکن کیا آپ جانتے ہیں کہ ایلویرا کا جوس بھی انسانی صحت کیلئے انتہائی مفید ہے۔ جی ہاں ایلویرا کا جوس انسانی صحت پر جادوائی اثرات ڈالتا ہے، یہاں ہم آپ کو ایلویرا کے چند بہترین فوائد سے آگا ہ کریں گے۔
قوت مدافعت میں اضافہ:
ایلوویرا کا جوس اینٹی آکسیڈنٹ ہوتا ہے،یہ جسم کی قوت مدافعت بڑھاتا ہے اور غذا ہضم کرنے میں مدد کرتا ہے،اس کے علاوہ یہ جسم کے مختلف اعضائ جیسے کڈنی اور لیور وغیرہ کیلئے بھی مفید ہوتا ہے۔
وزن میں کمی:
ایلوویرا کا جوس وزن کم کرنے میں نہایت اہم کردار ادا کرتا ہے،اس کے علاوہ یہ معدے میں موجود تیزابیت کو ختم کرتا ہے اور خون کو صاف کرتا ہے۔
کولیسٹرول لیول میں کمی:
یہ جادوئی جوس کولیسٹرول لیول کو کم کرتا ہے،جو بڑی عمر کے افراد کیلئے بے حد فائدے مند ہے،اس کے علاوہ یہ خون میں گلوکوز کی مقدار کو متوازن رکھتا ہے۔
جلد زخم کا بھرنا:
زخم کو قدرتی طور پر جلدی بھرنے کیلئے یہ جوس بہترین ہے ،اس کے استعمال سے نہ صرف زخم جلدی بھر جاتے ہیں بلکہ درد میں بھی آرام آتا ہے۔
وٹامنز و منرلز کی مقدار:
ایلوویرا کا جوس وٹامنز اور منرلز سے بھرپور ہوتا ہے ،یہ وٹامن بی 1،بی2،بی3،بی6،بی12 اور فولک ایسڈ فراہم کرتا ہے ،اس کے علاوہ یہ مختلف منرلز جیسے کیلشئیم ،کلورین ،آئرن اور میگنشئیم حاصل کرنے کا بھی بہترین ذریعہ ہے۔
خون کی صفائی:
یہ جو س خون کو صاف کرنے کے ساتھ بیکٹریا کا خاتمہ کرتا ہے ،جس سے چہرے پر موجود ایکنی اور داغ دھبوں کا صفایا ہوجاتا ہے ،اور جلد پہلے سے زیادہ صحت مند ہوجاتی ہے۔
بالوں کی نشوونما :
خواتین اس میں زیادہ کشش اس لیے محسوس کرتی ہیں کہ یہ جلد کے ساتھ بالوں کیلئے بھی بے حد فائدے مند ہے،یہ بالوں کی نشوونما بڑھاتا ہے اور انہیں نمی فراہم کرتا ہے جبکہ یہ بالوں کا پی ایچ لیول بھی برقرار رکھتا ہے۔