اسلام آباد: لندن فلیٹ اور بنی گالہ ہاؤس کے معاملے پر تحریک انصاف کے سربراہ عمران خان نے سماجی رابطے کی ویب سائٹ پر ٹویٹ کرتے ہوئے منی ٹریل پیش کرنے کا اعلان کرتے ہوئے کہا کہ ان کی منی ٹریل قطری خط کی طرح نہیں ہو گی۔ منی ٹریل سپریم کورٹ میں پیش کروں گا اور یہ بھی بتاؤں گا کہ لندن سے رقم پاکستان کیسے منتقل ہوئی۔
I will not only show money trail of purchase & sale of London flat & money brought back to Pak before the SC 1/2
— Imran Khan (@ImranKhanPTI) May 10, 2017
انہوں نے کہا وہ سپریم کورٹ میں یہ شواہد بھی پیش کریں گے کہ بنی گالہ میں مکان کی تعمیر یونین کونسل مورہ نور کی اجازت کے بعد کی گئی ہے۔
2/2 I will also show before SC proof that I had my Bani Gala house plans approved by Union Council of Mora Noor before starting construction
— Imran Khan (@ImranKhanPTI) May 10, 2017
چیرمین تحریک انصاف نے مزید کہا کہ مسلم لیگ ن ہماری پارٹی کی بیرون ممالک سے فنڈنگ بند کروانا چاہتی ہے کیونکہ تحریک انصاف واحد سیاسی جماعت ہے جو دوسرے ممالک سے بھی سیاسی فنڈ اکٹھا کرتی ہے۔
And PMLN wants PTI to stop taking funds from Overseas Pakistanis! PTI only party that does political fund raising: https://t.co/NUSoYan73s
— Imran Khan (@ImranKhanPTI) May 10, 2017
یاد رہے گزشتہ دنوں بنی گالہ منی ٹریل کے معاملے پر سپریم کورٹ نے عمران خان کو نوٹس جاری کیا تھا جس میں ان سے جواب طلب کیا گیا کہ بنی گالہ کی جائیداد کی خرید و فروخت کے لیے رقم کہاں سے آئی؟۔ عمران خان کو نوٹس ن لیگ کے رہنما حنیف عباسی کی درخواست پر جاری کیا گیا تھا۔
متفرق درخواست میں موقف اختیار کیا گیا ہے کہ اثاثے چھپا کر عمران خان نے قانون کی خلاف ورزی کی۔ فلیٹ 2003 میں فروخت کرنے کے باوجود 2015 تک آف شور کمپنی رکھنے کا مطلب کمپنی کے دیگر اثاثے بھی ہو سکتے ہیں۔
حنیف عباسی کے وکیل اکرم شیخ کے دلائل پر چیف جسٹس نے ریمارکس دیے کہ مفروضوں پر کسی رکن اسمبلی کو نااہل نہیں کر سکتے جبکہ عمران خان سے حلف نامہ لے سکتے ہیں کہ کمپنی کا فلیٹ کے علاوہ کوئی اثاثہ نہیں تھا۔
پی ٹی آئی کے رہنما فواد چودھری نے عمران خان کا دفاع کرتے ہوئے کہا انہوں نے بیرون ملک پیسے کمائے اور اپنے ملک لے کر آئے ان پر غیر سنجیدہ الزامات لگائے گئے ہیں۔ ان کا یہ بھی کہنا تھا کہ اوور سیز پاکستانی تحریک انصاف کو فنڈ دیتے ہیں جس کو فارن فنڈنگ کہا جا رہا ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
