اسلام آباد: پاکستان پیپلز پارٹی (پی پی پی) نے انٹرا پارٹی انتخابات کے انعقاد کی تیاریوں کا آغاز کر دیا ہے۔ چیئرمین بلاول بھٹو زرداری نے پارٹی کے داخلی انتخابات کے لیے الیکشن بورڈ تشکیل دینے کا اعلان کیا ہے۔
فوزیہ حبیب کو پیپلز پارٹی کے انٹرا پارٹی الیکشن بورڈ کا کنوینر مقرر کیا گیا ہے، جبکہ عامر فدا پراچہ اور سبط الحیدر بخاری کو الیکشن بورڈ کا رکن نامزد کیا گیا ہے۔
بلاول بھٹو زرداری نے الیکشن بورڈ کو ہدایت کی ہے کہ وہ پانچ ہفتوں میں انٹرا پارٹی انتخابات کا عمل مکمل کریں تاکہ پارٹی کی تنظیمی ساخت کو مزید مستحکم کیا جا سکے اور داخلی جمہوریت کو فروغ دیا جا سکے۔