کیلیفورنیا : تیز رفتار ترقی کرتی دنیا میں آج زندگی انٹرنیٹ اور وائی فائی کے بغیر ناممکن سی لگتی ہے۔ اگر یہ چند لمحوں کے لیے بھی دستیاب نہ ہوں، تو دنیا کا نظام درہم برہم ہونے لگتا ہے۔ یہی وجہ ہے کہ کہا جا سکتا ہے کہ زمین کو وائی فائی اور انٹرنیٹ نے جکڑ لیا ہے۔
اب یہ جدید ٹیکنالوجی چاند تک پہنچنے والی ہے۔ غیر ملکی میڈیا کے مطابق، ایک امریکی نجی کمپنی نے چاند پر انٹرنیٹ سروس فراہم کرنے کے لیے ایک مشن "آئی ایم 2" بھیجنے کا فیصلہ کیا ہے، جس کے ذریعے چاند پر 4 جی سروس فراہم کی جائے گی۔ اس منصوبے کا مقصد یہ ہے کہ چاند اور دیگر سیاروں پر انسانوں کے طویل المدت قیام کو ممکن بنایا جائے۔ اگر یہ مشن کامیاب ہوتا ہے تو یہ خلا میں پہلا 4 جی سسٹم ہوگا، جو چاند کی سطح پر رہتے ہوئے رابطوں، تیز ترین انٹرنیٹ اور دیگر کاموں میں مدد فراہم کرے گا۔