کراچی: سندھ میں 12ویں جماعت کے امتحانات 26جولائی سے ہوں گے جس کا حتمی نوٹیفکیشن جاری کردیا گیا ہے۔
انٹر بورڈ کی جانب سے جاری نوٹیفکیشن کے مطابق 12ویں جماعت کے امتحانات کے بعد گیارہویں کے امتحانات ہوں گے۔ نوٹیفکیشن کے مطابق گیارہویں اور 12ہویں جماعت کے صرف اختیاری مضامین (ELECTIVE SUBJECTS) کے امتحانات لیے جائیں گے، عملی (پریکٹیکل) امتحانات نہیں لیے جائیں گے۔
سندھ کے وزیر تعلیم سعید غنی نے سماجی رابطوں کی ویب سائٹ پر جاری پیغام میں امتحانات کی تاریخوں کا اعلان کیا۔
صوبہ سندھ میں دسویں جماعت کے امتحانات 5 جولائی اور بارہویں جماعت کے امتحانات 26 جولائی سے ہوں گے۔ امتحانی پرچے %60 condensed syllabus سے صرف elective مضامین کے ہوں گے۔ پرچے دو گھنٹے کے ہوں گے جن میں
— Senator Saeed Ghani (@SaeedGhani1) June 10, 2021
MCQs 50%
short question 30%
long questions20%
ہوں گے pic.twitter.com/tHFZgz76Ed
سعید غنی نے بتایا کہ صوبہ سندھ میں دسویں جماعت کے امتحانات 5 جولائی اور بارہویں جماعت کے امتحانات 26 جولائی سے ہوں گے۔ امتحانی پرچے %60 condensed syllabus سے صرف elective مضامین کے ہوں گے اور پرچے کا دورانیہ دو گھنٹے ہوگا۔
پرچہ 50 فیصد ایم سی کیوز، 30 فیصد مختصر سوالات اور 20 فیصد طویل سوالات پر مبنی ہوگا۔ 9 ویں اور گیارہویں جماعت کے امتحانات کی تاریخوں کا اعلان بعد میں کیا جائے گا۔
