بالی ووڈ اداکارہ عالیہ بھٹ شاہ رخ خان سے ناراض ہو گئیں

متفرق خبریں انٹرٹینمینٹ 
 
بالی ووڈ اداکارہ عالیہ بھٹ شاہ رخ خان سے ناراض ہو گئیں

ممبئی: بالی وڈ اداکارہ عالیہ بھٹ اور کنگ خان شاہ رخ خان نے ایک ساتھ فلم ڈیئر زندگی میں کام کیا تھا جس میں مداحوں نے ان کی دوستی کو خوب سراہا تاہم اب عالیہ شاہ رخ خان سے کافی ناراض ہیں جس کی وجہ بالی وڈ کنگ کی اگلی فلم جب ہیری میٹ سیجل ہے۔ شاہ رخ خان اس فلم میں انوشکا شرما کے ساتھ کام کرتے نظر آئیں گے اور اگر آپ کو ایسا لگ رہا ہے کہ عالیہ اس بات سے ناراض ہیں کہ انہیں اس فلم میں کام کرنے کا موقع نہیں ملا تو ایسا بالکل نہیں ہے۔ دراصل ہدایت کار امتیاز علی نے جب شاہ رخ خان کے ساتھ اس فلم کو بنانے کا اعلان کیا تھا تو اس کے بعد ہر مداح کی زبان پر صرف ایک ہی سوال تھا کہ اس فلم کا نام کیا ہو گا؟۔

گرفتاریاں ہوں گی اگر قانون شکنی کی گئی:وزیراعلیٰ پنجاب مریم نواز کی پی ٹی آئی کو وارننگ

اس دوران عالیہ بھٹ نے شاہ رخ کو ان کی نئی آنے والی فلم کے بارے میں نام تجویز کیا تھا لیکن شاہ رخ خان نے عالیہ کے تجویز کردہ نام کو اہمیت نہیں دی۔ گزشتہ چند ماہ سے اس فلم کے کئی نام سامنے آئے کبھی خبر آئی کے اس فلم کا نام دی رنگ رکھا گیا ہے جبکہ کبھی کسی نے بتایا کہ اس فلم کا نام رہنما رکھ دیا گیا ہے تاہم امتیاز علی نے ان تمام ناموں سے انکار کرتے ہوئے کہا کہ اب تک فلم کا نام طے نہیں کیا گیا۔

آخرکار کافی عرصے بعد شاہ رخ خان نے اعلان کیا کہ ان کی فلم کا نام جب ہیری میٹ سیجل رکھا گیا ہے۔ ساتھ ہی انھوں نے مداحوں کے لیے ایک نیا شوشہ چھوڑ دیا کہ اس فلم کا نام کس نے تجویز کیا ہو گا۔

پنجاب اسمبلی میں زرعی انکم ٹیکس بل 2024 کی منظوری، پیپلز پارٹی کی شدید مخالفت

شاہ رخ نے ٹوئٹر پر لکھا اگر رنبیر کپور یہ دعویٰ کرتے ہیں کہ اس فلم کا نام انہوں نے تجویز کیا تو ایسا کبھی نہیں ہوا اس لیے انہیں 5 ہزار کا انعام نہیں دیا جائے گا۔ اس اعلان کے بعد عالیہ کافی افسردہ نظر آئیں اور ٹوئٹ میں کہا میں بہت پریشان ہوں کہ کنگ خان نے میرے تجویز کردہ نام کو فلم کے لئے فائنل نہیں کیا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں

خواجہ آصف کی لندن پولیس میں چاقو سے قتل کی دھمکی کی رپورٹ درج