لاہور: معروف گلوکار وارث بیگ کی پاکستان مسلم لیگ ن کے رہنما اور صوبائی وزیر صحت پرائمری ہیلتھ خواجہ عمران نذیر سے ایک ملاقات ہوئی۔ ملاقات کے دوران خواجہ عمران نذیر کی جانب سے معروف گلوکار کو پاکستان مسلم لیگ نواز میں شمولیت کی پیشکش کی گئی۔ تاہم گلوکار وارث بیگ نے تاحال مسلم لیگ ن میں شامل ہونے کا باضابطہ طور پر فیصلہ نہیں کیا۔
ان کا کہنا تھا کہ اگر انہیں پارٹی میں اچھے عہدے کی پیش ہوئی تو وہ ضرور اس پر نظر ثانی کریں گے۔ وارث بیگ کا مزید کہنا تھا کیونکہ وہ پاکستان کی ترقی اور خوشحالی کے لئے کچھ اچھا کرنے کا ارادہ رکھتے ہیں۔
یاد رہے اس سے پہلے میڈیا میں خبریں گردش کر رہی تھیں کہ پاکستان کے معروف گلوکار نے مسلم لیگ ن میں شمولیت اختیار کر لی ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں