اسلام آباد: الیکشن کمیشن کے باہر میڈیا سے گفتگو کرتے ہوئے مسلم لیگ ن کے رہنما دانیال عزیز نے پاکستان تحریک انصاف کے سربراہ عمران خان کو شدید تنقید کا نشانہ بنایا۔ کہتے ہیں کپتان اداروں پر حملہ کرتے ہیں اور تھانوں سے قیدیوں کو بھگا کر لے جاتے ہیں کیونکہ وہ خود کو قانون سے بالاتر سمجھتے ہیں۔
ان کا مزید کہنا تھا عمران خان نے سپریم کورٹ کو غیر ملکی فنڈنگ کا جواب دینے سے بھی انکار کر دیا کیونکہ وہ کسی عدالت میں جواب نہیں دیتے کیا سب اندھے، گونگے اور بہرے ہیں۔ دانیال عزیز نے کہا سونامی کا دعویٰ کرنے والوں کا ضمنی انتخابات میں پول کھل گیا ہے کیونکہ پی ٹی آئی ضمنی انتخابات میں نیچے سے پہلے نمبر پر آ رہی ہے۔
انہوں نے الزام لگایا کہ عمران خان بھارت سے پیسہ لیتے رہے ہیں اور وہ کہتے ہیں بھارت اور پاکستان کا جوائنٹ نیو کلیئر پروگرام بننا چاہئے۔
Whatever comes, let it come, one thing I make it clear Nawaz sharif is here to stay InshAllah !! pic.twitter.com/uvYOD0NRjR
— AbidSherAli (@AbidSherAli) July 10, 2017
ادھر سماجی رابطے کی ویب سائٹ ٹوئٹر پر اپنے جاری پیغام میں عابد شیر علی نے اپنے ٹوئٹ میں کہا ہے کہ ہمیں کسی بات کا خوف نہیں جو ہونا ہے ہونے دو دیکھا جائے گا۔ کہتے ہیں وزیر اعظم نواز شریف ہی رہیں گے انشاءاللہ جیت ہر حال میں ہماری ہی ہو گی۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
