ممبئی : بالی وڈ اداکار سنجے دت کی خاتون مداح نے اپنی اربوں روپے کی جائیداد سنجے دت کے نام کر دی ۔ اداکاروں کو اسٹارز ان کے مداح ہی بناتے ہیں اور مداح اپنے پسندیدہ اداکار سے ملنے کیلئے کچھ بھی کر گزرنے کو تیار ہوتے ہیں۔ مداحوں کی دیوانگی کئی بار اداکاروں کیلئے مشکل کھڑی کردیتی ہے لیکن اب ایک مداح کا ایسا عمل سامنے آیا ہے جس نے سب کو حیران کر دیا ہے ۔
بھارتی میڈیا رپورٹس کے مطابق خاتون مداح نے مرنے کے بعد 72 کروڑ بھارتی روپے (2ارب 29کروڑ سے زائد پاکستانی روپے) کی جائیداد اپنے پسندیدہ اداکار سجنے دت کے نام کرگئیں۔
سنجے دت 295 کروڑ بھارتی روپے مالیت کے اثاثے رکھتے ہیں، اس کے پاس ممبئی اور دبئی میں گھر ہیں اور ایک فلم کا 5 سے 8 کروڑ بھارتی روپے معاوضہ لیتے ہیں۔
ان کے پاس لگژری گاڑیاں بھی ہیں جن میں رولز روئس، رینج روور، فراری، اوڈی اور بی ایم ڈبلیو شامل ہیں جن کی مالیت کروڑوں میں ہے۔