اسلام آباد:جوڈیشل کمیشن نے سپریم کورٹ میں 6 نئے ججز کی تعیناتی کے لیے ناموں کی منظوری دے دی ہے۔ چیف جسٹس یحییٰ آفریدی کی زیر صدارت ہونے والے اجلاس میں 26ویں آئینی ترمیم پر فیصلے تک اجلاس کو مؤخر کرنے کا مطالبہ کیا گیا، تاہم اس پر ووٹنگ کے بعد اجلاس کو جاری رکھنے کا فیصلہ کیا گیا۔
جسٹس منصور علی شاہ اور جسٹس منیب اختر نے اجلاس کی کارروائی کے خلاف بائیکاٹ کیا، جبکہ بیرسٹر گوہر اور بیرسٹر علی ظفر نے بھی اجلاس کا بائیکاٹ کیا۔
ذرائع کے مطابق، جوڈیشل کمیشن نے بلوچستان ہائیکورٹ کے چیف جسٹس ہاشم خان کاکڑ، سندھ ہائیکورٹ کے چیف جسٹس شفیع صدیقی اور اسلام آباد ہائیکورٹ کے چیف جسٹس عامر فاروق کے ناموں کی منظوری دی۔ اس کے علاوہ، سندھ ہائیکورٹ کے جسٹس صلاح الدین پنہور اور پشاور ہائیکورٹ کے جسٹس شکیل احمد کو بھی سپریم کورٹ کا جج بنانے کی منظوری دی گئی۔