کراچی : پاکستان سٹاک ایکسچینج میں کاروباری ہفتے کے آغاز پر تیزی کا رجحان دیکھنے کو ملا، جہاں 100 انڈیکس میں 401 پوائنٹس کا اضافہ ریکارڈ کیا گیا۔ اس اضافے کے ساتھ انڈیکس ایک لاکھ 10 ہزار 724 پوائنٹس تک پہنچ گیا، جو سرمایہ کاروں کے لیے ایک خوش آئندہ تبدیلی ہے۔
یاد رہے کہ پچھلے ہفتے سٹاک مارکیٹ میں شدید مندی کا رجحان رہا تھا، جس کے نتیجے میں سرمایہ کاروں کے اربوں روپے کا نقصان ہوا تھا۔ تاہم، آج کے مثبت رجحان نے مارکیٹ میں استحکام کی امیدیں پیدا کی ہیں۔ دوسری جانب، ایکسچینج کمپنیز ایسوسی ایشن کے مطابق، انٹر بینک میں ڈالر کی قیمت 5 پیسے کم ہو کر 279 روپے ہو گئی ہے۔