اسلام آباد: محکمہ موسمیات کے مطابق پنجاب کے بیشتر اضلاع میں بادل برسانے والا سسٹم داخل ہو چکا ہے، جس کے نتیجے میں اسلام آباد سمیت مختلف مقامات پر بارش کی پیشگوئی کی گئی ہے۔
محکمہ موسمیات نے مزید بتایا کہ شمال مغربی بلوچستان، بالائی خیبر پختونخوا، آزاد کشمیر اور گلگت بلتستان میں مطلع جزوی طور پر ابر آلود رہنے کے علاوہ چند مقامات پر ہلکی بارش اور برفباری کا امکان ہے۔ مری، گلیات اور گرد و نواح میں موسم خشک اور سرد رہنے کی پیشگوئی کی گئی ہے، جب کہ سندھ کے بیشتر اضلاع میں بھی سرد موسم کا امکان ہے۔
گزشتہ روز کم درجہ حرارت ریکارڈ کیا گیا، جس کے مطابق لہہ میں منفی 12، سکردو، استور اور گوپس میں منفی 6، کالام میں منفی 5، ہنزہ میں منفی 4 اور بگروٹ و گلگت میں منفی 3 ڈگری سینٹی گریڈ تک گر گیا۔
