لاہور: نگران وزیر اعلیٰ پنجاب نے پنجاب بھر میں اضافی عام تعطیل کے اعلان کی چلنے والی خبروں کو غلط قرار دے دیا۔
نگران وزیر اعلیٰ پنجاب محسن نقوی نے سماجی رابطے کی ویب سائٹ ایکس پر عام انتخابات کے پیش نظر پنجاب بھر میں عام تعطیلات میں 10 فروری (ہفتہ) کی چھٹی کی خبر کو غلط قرار دے دیا۔
Fake news ! pic.twitter.com/IENMv5jYh9
— Mohsin Naqvi (@MohsinnaqviC42) February 9, 2024
خیال رہے کہ محسن نقوی کے نام سے ایک ویریفائیڈ ایکس اکاؤنٹ سے 10 فروری کی تعطیل کا اعلان کیا گیا تھا۔ جس میں لکھا گیا تھا کہ 10 فروری 2024 بروز ہفتہ کو تمام پنجاب میں اضافی عام تعطیل کا اعلان کرتے ہوئے خوشی ہو رہی ہے۔ اس چھٹی کا مقصد ہے کہ تمام سرکاری ملازمین تکلیف دہ انتخابی ڈیوٹی کے بعد آرام کر سکیں اور اپنی توانائیاں بحال کر سکیں۔
