لاہور:پاکستانی ٹی وی ڈراموں کی خوبرو اور پرکشش اداکارہ یمنیٰ زیدی کی نئی تصاویر نے سوشل میڈیا پر دھوم مچادی ہے۔
تفصیلات کے مطابق اپنی خوبصورتی اور جاندار اداکاری کے باعث امریکی پلٹ پاکستانی اداکارہ یمنیٰ زیدی نے مداحوں کے دلوں میں بہت ہی کم عرصہ میں گھر کرلیا اور دن بہ دن ان کے مداحوں کی فہرست طویل ہوتی جارہی ہے۔
اب یمنیٰ زیدی کی ایسی تصاویر سامنے آگئی ہیں کہ مداح دیکھ کر بھونچکا رہ گئے جبکہ کچھ نے یہاں بھی اداکارہ کو تنقید کے نشتروں سے آزادی نہ دی ۔سماجی رابطے کی ویب سائٹ انسٹا گرام پر یمنیٰ زیدی نے تصاویر شیئر کی جن میں انہوں نے مغربی لباس زیب تن کیا ہوا ہے۔
سامنے آنے والی تصاویر میں اداکارہ نے سیاہ رنگ کا ٹراﺅزر ،ٹائیگر شرٹ اور اونچے ہیل والے سینڈل پہنے ہوئے ہیں۔ مداحوںکی اکثریت نے اداکارہ نے سٹائل کو سراہا جبکہ کچھ نے تنقید کا نشانہ بنا ڈالا۔
خان لیاقت نامی مداح نے کہاکہ ”چلو بھرم تو ٹوٹا آپ کی سادگی بہت اچھی لگتی تھی“۔
خیال رہے کہ یمنیٰ زیدی نے کئی پاکستانی ڈراموں میں اداکاری کے جوہر دکھائے اور انتہائی کم عرصے میں شوبز کی دنیا میں اپنا لوہا منوایا۔