کابل: افغانستان کرکٹ ٹیم کے لیگ سپنر راشد خان نے ملک میں جاری خانہ جنگی سے پریشان ہو کر کہا ہے کہ ہم امن چاہتے ہیں۔ افغانستان کو تباہ کرنے کا سلسلہ بند کیا جائے۔
افغانستان کرکٹ ٹیم کے لیگ سپنر نے ٹوئٹر پر اپنے پیغام میں دنیا کے سربراہان سے اپیل کرتے ہوئے کہا کہ میرے ملک میں افراتفری کی صورتحال ہے، خواتین اور بچوں سمیت ہزاروں معصوم لوگ روزانہ مارے جا رہے ہیں۔
Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced..
— Rashid Khan (@rashidkhan_19) August 10, 2021
Don’t leave us in chaos. Stop killing Afghans & destroying Afghaniatan????????.
We want peace.????
انہوں نے کہا کہ لوگوں کے گھر اور دیگر املاک تباہ ہو رہی ہیں اور ہزاروں خاندان لاپتہ ہو گئے ہیں جبکہ ہمیں اکیلا نہ چھوڑا جائے، افغانوں کا قتل عام اور افغانستان کو تباہ کرنے کا سلسلہ بند کیا جائے کیونکہ ہم امن چاہتے ہیں ۔
خیال رہے کہ افغانستان سے امریکی افواج کے انخلا کے عمل کے ساتھ ہی ملک میں خانہ جنگی کی صورتحال شروع ہو گئی ہے ۔ افغان سیکیورٹی فورسز اور طالبان کے درمیان جھڑپوں کا سلسلہ جاری ہے جس سے حالات مزید بگڑتے جا رہے ہیں اور ایسی صورتحال میں افغان لیگ سپنر راشد خان نے دنیا کے سربراہان سے اہم اپیل کر دی۔
