اسلام آباد : پاکستان میں گیس کی قیمتوں میں مزید اضافے کا امکان ہے کیونکہ سوئی ناردرن اور سوئی سدرن گیس کمپنیوں نے اپنی مالی ضروریات کے لیے اوگرا میں درخواستیں دائر کر دی ہیں۔
سوئی ناردرن گیس کمپنی نے 700 ارب 97 کروڑ روپے کی مالی ضروریات پوری کرنے کے لیے گیس کی قیمت 2485 روپے 72 پیسے فی ایم ایم بی ٹی یو تک بڑھانے کی درخواست کی ہے۔ اس کے علاوہ، کمپنی نے 207 ارب 43 کروڑ 50 لاکھ روپے کے شارٹ فال کی وصولی کے لیے بھی درخواست کی ہے۔ ان درخواستوں پر 18 اور 28 اپریل کو لاہور اور پشاور میں سماعتیں ہوں گی۔
دوسری جانب، سوئی سدرن نے 883 ارب 54 کروڑ 40 لاکھ روپے کی مالی ضروریات کی درخواست دائر کی ہے اور گیس کی قیمت 4137 روپے 49 پیسے فی ایم ایم بی ٹی یو مقرر کرنے کی تجویز دی ہے۔ سوئی سدرن نے 44 ارب 33 کروڑ 20 لاکھ روپے کے شارٹ فال کی وصولی کی بھی درخواست کی ہے۔
اوگرا ان درخواستوں پر فیصلہ کرے گا، جس کے بعد گیس کی قیمتوں میں اضافے کا باضابطہ امکان ہے۔