غزہ : اسرائیلی فوج کے غزہ کے رہائشی علاقوں پر حملے مسلسل جاری ہیں، جس کے نتیجے میں گزشتہ 24 گھنٹوں میں مزید 58 فلسطینی شہید ہو گئے ہیں اور درجنوں زخمی ہوئے ہیں۔ اس کے ساتھ ہی فلسطینی شہداء کی مجموعی تعداد 50,810 تک پہنچ گئی ہے، جبکہ زخمیوں کی تعداد 1 لاکھ 15 ہزار 688 ہو چکی ہے۔
اس کے علاوہ ، اسرائیلی فضائیہ کا ایک طیارہ تکنیکی خرابی کے باعث لبنان کی حدود میں گر کر تباہ ہوگیا۔ اسرائیلی فوج کے مطابق اس حادثے کی تحقیقات جاری ہیں۔
دوسری جانب، حوثی فوج نے امریکی ایم کیو نائن ڈرون کو مار گرایا، جو کہ گزشتہ دس دنوں میں مار گرایا جانے والا تیسرا ڈرون ہے۔ جنگ کے آغاز سے اب تک ان ڈرونز کی تعداد 18 ہو چکی ہے۔