اسلام آباد:صدر مملکت آصف علی زرداری نے سروس ٹریبونل کے چار نئے ممبران کی تقرری کر دی ہے۔ وزارت قانون نے اس تقرری کا نوٹیفکیشن جاری کر دیا ہے، جس کے مطابق بلال خٹک اور چودھری عبد القیوم کو ممبر جوڈیشل تعینات کیا گیا ہے، جبکہ چودھری محمد اکرم خاکسار اور سروت طاہرہ حبیب بھی ممبر جوڈیشل کے طور پر منتخب ہوئے ہیں۔
نوٹیفکیشن کے مطابق، یہ تقرری تین سال کے لیے کی گئی ہے اور اس مدت میں توسیع نہیں کی جا سکے گی۔ نوٹیفکیشن کی کاپی متعلقہ وزارتوں اور حکام کو بھیج دی گئی ہے۔
