لاہور:پاکستان کرکٹ بورڈ (پی سی بی) گورننگ بورڈ نے نئے چیف آپریٹنگ آفیسر (سی او او) کی منظوری دے دی ہے۔ چیئرمین پی سی بی محسن نقوی کی تجویز پر سید سمیر احمد کو پی سی بی کے نئے سی او او کے طور پر نامزد کیا گیا ہے۔
اس کے علاوہ، سلمان نصیر کو پی ایس ایل کا چیف ایگزیکٹو مقرر کیا گیا ہے اور وہ پی سی بی چیئرمین کے مشیر بھی ہوں گے۔ ذرائع کے مطابق، سید سمیر احمد نے اپنی ذمے داریوں کا آغاز کر لیا ہے اور پی سی بی میں سی او او کے طور پر کام کرنا شروع کر دیا ہے۔
