تنقید کرنے والے انجوائے کریں، ٹیم فائنل میں پہنچ گئی ہے: بابراعظم

سڈنی: قومی کرکٹ ٹیم کے کپتان بابر اعظم نے سیمی فائنل میں نیوزی لینڈ کیخلاف شاندار فتح پر کہا ہے کہ تنقید کرنے والے انجوائے کریں، ٹیم فائنل میں پہنچ گئی ہے 
تفصیلات کے مطابق سیمی فائنل میں نیوزی لینڈ کے خلاف تاریخی فتح کے بعد گفتگو کرتے ہوئے ان کا کہنا تھا کہ تنقید مجھ پر نہیں ٹیم پر کی جاتی ہے، تنقید کپتان پر ہو تو سمجھیں تنقید ٹیم پر ہی کی جا رہی ہے۔
نہوں نے کہا کہ انٹرنیشنل کرکٹ کونسل (آئی سی سی) ٹی 20 ورلڈ کپ 2022 میں ہمارا آغاز اچھا نہیں رہا مگر کرکٹ میں اپ ڈاو¿ن ہوتے رہتے ہیں۔
بابر اعظم کا کہنا تھا کہ مجھے یقین تھا کہ کم بیک کروں گا، ٹیم مینجمنٹ کا شکریہ ادا کرتا ہوں جس نے مجھ پر یقین رکھا اور اسی یقین کی بدولت آج یہ کامیابی ملی ہے۔ 
انہوں نے مزید کہا کہ قومی ٹیم فائنل میں پہنچ چکی ہے اور اب کسی بھی ٹیم کے ساتھ مقابلہ ہو، ہم اپنی 100 فیصد کارکردگی دکھانے کی کوشش کریں گے۔