اسلام آباد: ترجمان دفتر خارجہ ڈاکٹر محمد فیصل نے روس میں ہونے والی ایسٹرن اکنامک فورم میں وزیراعظم عمران خان کی شرکت کی تردید کر دی۔ڈاکٹر فیصل نے ٹوئٹر پر جاری بیان میں کہا کہ میڈیا پر خبریں گردش کر رہی ہیں کہ وزیراعظم عمران خان روس میں ایسٹرن اکنامک فورم میں شریک ہوں گے جو کہ محض افواہ ہے۔
Reports appearing in media about Prime Minister’s participation in Eastern Economic Forum (EEF) in Russia are speculative. Pakistan and Russia remain in contact about engagement at the highest level. Any announcement in this regard would be made formally at appropriate time.
— Dr Mohammad Faisal (@DrMFaisal) July 9, 2019
انہوں نے کہا کہ پاکستان اور روس اب بھی اعلیٰ سطح کی ملاقاتوں کے لیے رابطے میں ہیں۔ اس سے متعلق جو بھی طے پائے گا اس کا مناسب وقت پر باقاعدہ اعلان کیا جائے گا۔
خیال رہے کہ گزشتہ روز یہ خبر سامنے آئی تھی کہ روسی صدر پیوٹن نے وزیراعظم عمران خان کو دورہ روس کی دعوت دی ہے اور یہ دعوت بشکک میں ایس سی او سمٹ کے دوران دی گئی تھی جسے وزیراعظم نے قبول کر لیا تھا۔
