سونے کی قیمت میں مزید اضافہ

کراچی: ملک میں سونے کی قیمتوں میں مزید اضافہ ہوگیا ہے۔

آل پاکستان جیمز اینڈ جیولرز ایسوسی ایشن کے مطابق، آج سونے کی فی تولہ قیمت میں 1300 روپے کا اضافہ ہوا ہے، جس کے بعد اس کی نئی قیمت 2 لاکھ 78 ہزار 300 روپے ہوگئی ہے۔

گزشتہ روز بھی سونے کی فی تولہ قیمت میں 1000 روپے کا اضافہ ہوا تھا، جس کے بعد یہ 2 لاکھ 77 ہزار روپے پر پہنچ گئی تھی۔اسی طرح، 10 گرام سونے کی قیمت میں بھی 1114 روپے کا اضافہ ہوا ہے اور اب یہ 2 لاکھ 38 ہزار 597 روپے ہوگئی ہے۔

عالمی سطح پر بھی سونے کی قیمت میں اضافہ دیکھا گیا ہے، جہاں عالمی بازار میں سونے کی قیمت 13 ڈالر اضافے کے بعد 2665 ڈالر فی اونس تک پہنچ گئی ہے۔