لکی مروت: فتنہ الخوارج نے ضلع لکی مروت کے علاقے کبل خیل سے 17 سویلین ورکرز کو اغوا کرلیا۔ سکیورٹی فورسز نے فوری کارروائی کرتے ہوئے 8 مغوی ورکرز کو بحفاظت بازیاب کرالیا۔
ذرائع کے مطابق دہشت گردوں نے ان ورکرز کو بھتہ کے لیے اغوا کیا اور مقامی ٹھیکیدار کی گاڑی کو بھی نذر آتش کردیا۔ سکیورٹی فورسز اور قانون نافذ کرنے والے اداروں نے آپریشن کے دوران 8 ورکرز کو بازیاب کرلیا ہے، جبکہ دیگر مغوی ورکرز کی بازیابی کے لیے کارروائی جاری ہے۔