اسلام آباد: صدر پاکستان آصف علی زرداری پرتگال کے شہر لزبن روانہ ہوگئے، جہاں وہ پرنس کریم آغا خان چہارم کے انتقال پر ان کے صاحبزادے پرنس رحیم آغا خان سے تعزیت کریں گے۔
دورے کے دوران صدر مملکت کی پرتگالی صدر مارسیلو ریبیلو ڈی سوسا سے بھی ملاقات متوقع ہے۔
واضح رہے کہ آصف علی زرداری گزشتہ روز ہی اپنا پانچ روزہ دورہ چین مکمل کرکے وطن واپس پہنچے تھے۔ اس دورے میں انہوں نے چینی صدر شی جن پنگ اور وزیراعظم لی چیانگ سے ملاقاتیں کیں، جبکہ 9 ویں ایشیائی سرمائی کھیلوں کی افتتاحی تقریب میں بھی شرکت کی۔
چین کے دورے کے دوران پاکستان اور چین کے درمیان مختلف شعبوں میں تعاون کی یادداشتوں پر دستخط بھی کیے گئے۔
