کینکن: میکسیکو میں ایک مسافر بس میں آتشزدگی کے نتیجے میں 44 افراد جھلس کر ہلاک ہوگئے۔ غیر ملکی خبر ایجنسی کے مطابق، یہ حادثہ اس وقت پیش آیا جب مسافر بس کینکن سے ٹیباسکو جا رہی تھی اور اچانک بس میں آگ بھڑک اُٹھی۔
بس میں 44 مسافر سوار تھے، جن میں سے کوئی بھی زندہ نہ بچ سکا۔ ریسکیو اہلکاروں نے تمام ہلاک شدگان کی لاشوں کو فوری طور پر ہسپتال منتقل کر دیا۔ حکام نے حادثے میں ہلاک ہونے والے افراد کے اہل خانہ سے تعزیت کا اظہار کیا اور اس سانحے پر گہرے دکھ کا اظہار کیا۔ کمپنی کی جانب سے جاری کردہ پیغام میں کہا گیا ہے کہ بس حادثے پر ہمیں بے حد افسوس ہے اور ہم حکام کے ساتھ مل کر حادثے کی وجوہات جاننے کے لیے کام کر رہے ہیں۔