لاہور: محکمہ موسمیات نے کہا ہے کہ لاہور میں آئندہ دو دن تک بارش کا امکان نہیں ہے۔ محکمہ نے مزید بتایا کہ پنجاب کے مختلف اضلاع میں بارش ہوئی ہے اور پہاڑی علاقوں میں برف باری سے سردی کی شدت میں اضافہ ہوگیا ہے۔ تاہم لاہور شہر میں بادل تو آئے، لیکن بارش نہ ہو سکی اور سردی کی لہر محسوس کی جا رہی ہے۔
محکمہ موسمیات کے مطابق، لاہور میں آج کم سے کم درجہ حرارت 7 ڈگری سینٹی گریڈ جبکہ زیادہ سے زیادہ 21 ڈگری سینٹی گریڈ تک پہنچنے کا امکان ہے۔ آئندہ 48 گھنٹوں میں لاہور میں بارش کا کوئی امکان نہیں، تاہم دو روز بعد بارش کا نیا سسٹم شہر میں داخل ہو سکتا ہے۔