واشنگٹن :کملا ہیرس نے اسرائیل کو اسلحہ فراہمی روکنے کی مخالفت کردی۔ امریکی صدارتی امیدوار اور موجودہ نائب صدر کملا ہیرس نے امریکی اتحادی اسرائیل کو اسلحہ فراہمی روکنے کی مخالفت کردی۔
عرب میڈیا رپورٹس کے مطابق کملا ہیرس جب سے ڈیموکریٹک پارٹی کی طرف سے بائیڈن کی جگہ پر صدارتی امیدوار بنی ہیں ان کے حوالے سے اسرائیل کے حق میں آنیوالا یہ بیان ٹھوس اور اہم بیانات میں سےایک ہے۔
ان کا یہ بیان اس واقعے کے ایک دن بعد سامنے آیا ہے جب ان کی تین ہفتوں پر محیط انتخابی مہم کے دوران غزہ جنگ کے مخالفین اور فلسطینیوں کے حامیوں نے انہیں ایک ریلی میں گھیر لیا اور کے ساتھ نامناسب انداز اختیار کیا ۔
کملا ہیرس نے ڈیٹرائٹ، مشی گن میں غزہ کی جنگ کے مخالفین کے ساتھ ریلی کے بعد ملاقات کرتے ہوئے کہا میں نے اسرائیل کے ساتھ اسلحہ پابندی کا مسئلہ اٹھایا ہے۔
واضح رہے کملا ہیرس پر ڈیمو کریٹس کی ایک بڑی تعداد کا دباؤ موجود ہے کہ وہ جوبائیدن کی اسرائیل کھلی حمایت کی پالیسی کو تبدیل کریں، یہ ایشو مشی گن میں بطور خاص اہم ہے، جہاں عرب ووٹروں کی بھی بڑی تعداد موجود ہیں، مشی گن کے لوگ فلسطینیوں کے خلاف جنگ کے سخت مخالف ہیں۔
کملا ہیرس کا اکثریت کے ان ووٹوں کی بھی بہت ضرورت ہے، جو پارٹی میں اکثریت میں اور اسرائیل کی حمایت کے لیے سرگرم ہیں۔ا نہیں بعض اوقات اسرائیل کے حق میں پالیسی کی وجہ سے صدر جو بائیڈن سے زیادہ تنقید سننا پڑتی ہے۔