اسلام آباد:عمران خان کے چیف آف سٹاف شہباز گل کی گرفتاری کے خلاف تحریک انصاف کے ٹائیگرز بنی گالہ پہنچ گئے ہیں۔ عمران خان کی رہائش گاہ جانے والے راستے کی سیکورٹی سنبھال لی۔
نیو نیوز کے مطابق کارکنان نے ہاتھوں میں جھنڈے اور ڈنڈے اٹھا رکھے ہیں اور وہ عمران خان کے حق میں نعرے بازی کر رہے ہیں ۔
پی ٹی آئی کے شمس خٹک نامی کارکن نے ٹویٹر پر ایک ویڈیو بھی شیئر کی ہے جس میں دیکھا جا سکتا ہے کہ پورے 22 کارکن احتجاج کے لیے موجود ہیں۔
شہباز گِل کی گرفتاری کے بعد عمران خان کی گرفتاری کا خطرہ
— Shams Khattak (@Sh_am_92) August 9, 2022
پی ٹی آئی ٹائگرز بنی گالا اپنے مُرشد پر پہرہ دینے پُہنچ گئے
اسلام آباد اور پنڈی کے ٹائگرز فوری بنی گالا پہنچیں تاکہ یہ غلط فہمی کا شکار نا ہوں #shahbazgillpic.twitter.com/BrIAmiD6sW
دوسری طرف تحریک انصاف کے مرکزی رہنما شہبا زگل کے خلاف اسلام آباد کے تھانہ بنی گالا میں مقدمہ درج کرلیا گیا ہے۔مقدمے میں ریاستی اداروں کے سربراہان کے خلاف اکسانے اور بیان بازی کی دفعات شامل ہیں۔
شہباز گل کی گرفتاری کے وقت اسلام آباد پولیس کے سینئر افسران بھی موقع پر موجود تھے۔شہباز گل کو گرفتار کر کے تھانہ بنی گالہ کے بجائے نامعلوم مقام منتقل کردیا گیا ہے۔
