ابوظہبی : عالمی سطح پر پاکستان نے ایک اور اعزاز حاصل کرلیا ہے۔ پاکستان کو آئندہ دو سال کے لیے ابوظبی ڈائیلاگ کی سربراہی مل گئی ہے۔
ذرائع کے مطابق بھارت کی بھرپور لابنگ کے باوجود ابوظبی ڈائیلاگ کی سربراہی پاکستان کو ملی ہے۔ پاکستان دو سال سے سربراہی حاصل کرنے کی کوشش کررہا تھا۔ ابوظبی ڈائیلاگ کی سربراہی کے لیے مرکزی کردار اوورسیز پاکستانیوں نے ادا کیا۔
ابوظہبی ڈائیلاگ ایشین ممالک میں تعاون کے لیے 2008 میں قائم کیا گیا تھا۔ ابوظبی ڈائیلاگ کے ممبرز میں بھارت سمیت 18 ممالک شامل ہیں۔
It’s a privilege for Pakistan to chair the upcoming #AbuDhabiDialogue being held later this yr for period of next 2yrs.
— Sayed Z Bukhari (@sayedzbukhari) August 9, 2021
This honour comes for 1st time since Dialogue’s inception in 2008 from among 18 nations.
We thank ADD & all member states,we hope to chair with fruitful insight pic.twitter.com/QJ7p6n2thy
تحریک انصاف کے رہنما زلفی بخاری نے سماجی رابطے کی ویب سائٹ ٹویٹر پر اپنے پیغام میں کہا کہ ابوظبی ڈائیلاگ کی سربراہی پاکستان کے لیے بڑا اعزاز ہے، 2008 کے بعد پہلی مرتبہ پاکستان کو سربراہی سونپی گئی ہے۔
زلفی بخاری نے لکھا کہ ذمہ داری دینے پر ابوظبی ڈائیلاگ اور ممبر ممالک کا شکریہ ادا کرتے ہیں۔ سربراہی وزیراعظم کی اوورسیز پاکستانیوں کے لیے کوششوں کا اعتراف ہے۔
