لاہور : پاکستان سپر لیگ (پی ایس ایل) میں پہلی بار پلیئر ٹریکنگ ٹیکنالوجی کو متعارف کرایا گیا ہے، جس سے کرکٹ کے مختلف پہلوؤں کا بال بائی بال ریکارڈ رکھا جائے گا۔
یہ ٹیکنالوجی کھلاڑیوں کی حرکت، فیلڈرز کے کوآرڈینیٹس، بولر کا رن اپ اور بیٹنگ اسٹانس سمیت ہر ڈلیوری کو فریم بہ فریم ٹریک کرے گی۔
پی ایس ایل کے چیف ایگزیکٹیو آفیسر سلمان نصیر نے کہا کہ ایچ بی ایل پی ایس ایل نے ہمیشہ جدت کو اپنایا ہے اور پلیئر ٹریکنگ ٹیکنالوجی کا آغاز شائقین کے تجربے کو مزید بہتر بنانے کی جانب ایک قدم ہے۔
انہوں نے مزید کہا کہ ہمارا مقصد عالمی معیار کی کوریج فراہم کرنا ہے، اور پلیئر ٹریکنگ ٹیکنالوجی ایچ بی ایل پی ایس ایل کو جدید کرکٹ براڈکاسٹنگ کے ایک نئے معیار کے طور پر پیش کرنے میں مدد دے گی۔