لاہور : ڈولفن اسکواڈ نے 15 کی کال پر ایکشن لیتے ہوئے 2 ملزمان کو گرفتار کر لیا۔ ترجمان ڈولفن کے مطابق، یہ دونوں ملزمان شیراکوٹ میں 17 سالہ لڑکے ولید سے بدفعلی کے مرتکب ہوئے۔
ملزمان نے ولید کو نشہ آور اشیاء کھلا کر بدفعلی کا نشانہ بنایا اور دوران زیادتی فوٹیج بھی بنائی۔ ترجمان نے مزید کہا کہ ڈولفن ٹیم نے 15 کی کال پر فوراً ریسپانس کرتے ہوئے ملزمان کو گرفتار کر لیا۔
گرفتار ملزمان کو تھانہ شیراکوٹ کے حوالے کر دیا گیا۔ ایس پی ڈولفن شاہ میر خالد نے کہا کہ 15 کی کال پر فوری ریسپانس ڈولفن اسکواڈ کی اسٹینڈرڈ آپریٹنگ پروسیجر (ایس او پی) کا حصہ ہے۔