کراچی : پاکستان پیپلز پارٹی (پی پی پی) نے اپنے سینئر رہنما تاج حیدر کے انتقال پر 3 روزہ سوگ کا اعلان کیا ہے۔ پارٹی کے چیئرمین بلاول بھٹو کی ہدایت پر یہ فیصلہ کیا گیا ہے، اور اس دوران پیپلز پارٹی کی تمام سیاسی سرگرمیاں تین دن کے لیے معطل رہیں گی۔
تاج حیدر، جو پیپلز پارٹی کے ایک اہم رہنما اور سیاسی شخصیت تھے، مختصر علالت کے بعد 83 برس کی عمر میں انتقال کر گئے۔ ان کے انتقال کی خبر پارٹی کے کارکنان اور رہنماؤں کے لیے ایک بڑا دھچکا ہے۔
تاج حیدر مرحوم کی نمازِ جنازہ آج بروز بدھ، 9 اپریل کو بعد نمازِ ظہر مسجد و امام بارگاہ یثرب فیز 4 ڈیفنس سوسائٹی میں ادا کی جائے گی۔ پارٹی کی جانب سے ان کے انتقال پر گہرے دکھ اور افسوس کا اظہار کیا گیا ہے۔
