راولپنڈی: وزیر خارجہ شاہ محمود قریشی نے آرمڈ فورسز انسٹی ٹیوٹ فار ری ہیبیلٹیشن میڈیسن راولپنڈی کا دورہ کیا۔ وزیر خارجہ کو انسٹیٹیوٹ کے دائرہ کار اور کارکردگی کے حوالے سے مفصل بریفنگ دی گئی۔ وزیر خارجہ نے مختلف وارڈز کا دورہ کیا اور زیر علاج پاک فوج کے باہمت اور پر عزم جوانوں سے ملاقات کی ۔
پاک فوج کے شعبہ تعلقات عامہ کی طرف سے جاری بیان کے مطابق آرمی میڈیکل کور کی سربراہ لیفٹیننٹ جنرل نگار جوہر اور آرمڈ فورسز انسٹیٹیوٹ فار ری ہیبیلٹیشن میڈیسن کے سربراہ کمانڈنٹ میجر جنرل ظفر علی اور انسٹیٹیوٹ کی انتظامیہ نے وزیر خارجہ کا خیر مقدم کیا،وزیر خارجہ شاہ محمود قریشی نے آرمڈ فورسز انسٹیٹیوٹ فار ری ہیبیلٹیشن میڈیسن کے سبزہ زار میں پودا لگایا ۔
وزیر خارجہ کو آرمڈ فورسز انسٹیٹیوٹ فار ری ہیبیلٹیشن میڈیسن کے دائرہ کار اور کارکردگی کے حوالے سے مفصل بریفنگ دی گئی۔ وزیر خارجہ نے مختلف وارڈز کا دورہ کیا اور زیر علاج پاک فوج کے باہمت اور پر عزم جوانوں سے ملاقات کی ،وزیر خارجہ نے آرمڈ فورسز انسٹیٹیوٹ فار ری ہیبیلٹیشن میڈیسن میں فراہم کی جانے والی طبی سہولیات کو سراہا ،وزیر خارجہ نے زیر علاج جوانوں کے عزم اور حوصلے کی داد دی۔
وزیرخارجہ مخدوم شاہ محمود قریشی نے کہا کہ ہماری افواج اور قانون نافذ کرنے والے اداروں نے دہشت گردی کے خلاف جنگ میں لازوال قربانیاں دی ہیں۔پوری قوم سیسہ پلائی ہوئی دیوار کی طرح دہشت گردی کے خلاف اس جنگ میں پاک فوج کے ساتھ شانہ بشانہ کھڑی ہے۔
آرمڈ فورسز انسٹیٹیوٹ فار ری ہیبیلٹیشن میڈیسن ،ملک میں مصنوعی اعضا کا سب سے بڑا اور جدید مرکز ہے جہاں خاص طور پر محاذ جنگ پر زخمی ہونے والے فوجیوں کا علاج کے لیے لایا جاتا ہے۔آرمڈ فورسز انسٹیٹیوٹ فار ری ہیبیلٹیشن میڈیسن کے سربراہ کمانڈنٹ میجر جنرل ظفر علی اور انسٹیٹیوٹ کی انتظامیہ نے وزیر خارجہ کا خیر مقدم کیا۔
