اسلام آباد: فیڈرل انویسٹیگیشن ایجنسی (ایف آئی اے) اسلام آباد زون نےبڑی کاروائی کرتے ہوئے اربوں کے فراڈ میں ملوث مرکزی ملزم سمیت 2 افرادگرفتار کر لیے۔
ترجمان ایف آئی کے مطابق ملزم غلام سرور نے سی ڈی اے کے افسران کی ملی بھگت سے ایک ارب روپے کا فراڈ کیا۔ ملزم نے H-16 اور I-17 کے متاثرین کے اربوں روپے خوردبرد کئے۔
ایف آئی اے کے ترجمان کا کہنا ہے کہ ملزم سادہ لوح سی ڈی اے متاثرین کی رقوم سی ڈی اے کے افسران کی مدد سے ہڑپ کرتا رہا۔ ملزم غلام سرور گوندل کے خلاف اربوں روپے کی کرپشن کے شواہد حاصل کر لیے گئے۔
ترجمان نے بتایا کہ ملزم کو بلیو ایریا اسلام آباد سے گرفتار کیا گیا۔ملزمان کے خلاف مقدمہ درج کر لیا گیا ہے۔
ترجمان ایف آئی اے کاکہنا ہے کہ دورانِ تفتیش ملزمان کے فراڈ سے متعلق مزید انکشافات متوقع ہے۔