امیتابھ بچن ” اینگری ینگ مین “ بن گئے

ممبئی : بالی ووڈ بگ بی امیتابھ بچن اپنی فلم ’سرکار 3‘ کے ساتھ اپنے ”اینگری ینگ مین لک“ میں واپس آگئے ۔ فلم میں امیتابھ بچن کے ساتھ ساتھ دیگر مایہ ناز اداکار اداکار امیت سیدھ، جیکی شروف، منوج باجپائی، رونت روئے اور یامی گوتم اہم کرداروں میں نظر آئیں گے۔
امیتابھ بچن اور جیکی شروف نے بھی سماجی رابطے کی ویب سائٹ ٹوئٹر پر اپنی فلم کے ٹریلر کو مداحوں سے شیئر کیا۔یاد رہے کہ یہ فلم ”سرکار “ سیریز کا تیسرا ایڈیشن ہے جو14 اپریل کو نمائش کے لیے پیش کیا جائے گا۔اس سے قبل فلم ’سرکار‘ 2005 میں ریلیز ہوئی تھی جبکہ اسی فلم کا دوسرا حصہ 2008 میں ’سرکار راج‘ کے نام سے ریلیز ہوا۔