گلگت بلتستان:دفاع پاکستان کے عظیم فریضہ کی انجام دہی میں جام شہادت نوش کرنے والے قوم کے بہادرسپوت کیپٹن کرنل شیر خان (نشان حیدر) اور حوالدار لالک جان شہید (نشان حیدر) کی 21 ویں برسی ان کے آبائی علاقے صوابی اور غذر (گلگت بلتستان) میں منائی گئی۔
Glowing tribute to indomitable courage, devotion & exemplary leadership of Captain Karnal Sher Khan shaheed, Nishan-e-Haider & Havaldar Lalak Jan shaheed, Nishan-e-Haider, the war heroes from Sawabi, KPK and Ghizer, GB, who wrote history with their blood against all odds. (1/2)
— DG ISPR (@OfficialDGISPR) July 6, 2020
اس موقع پر خصوصی دعائیہ تقاریب کا انعقاد کیاگیا،تقاریب میں پاکستان کی سالمیت اور خود مختاری کیلئے دھرتی پر جان نچھاور کرنے والے بیٹوں کو زبردست خراج عقیدت پیش کیا گیا،آئی ایس پی آرکے مطابق آرمی چیف کی جانب سے فورس کمانڈر ناردرن ایریاز میجر جنرل احسان محمود خان نے حوالدار لالک جان کی قبر پر پھولوں کی چادر چڑھائی جبکہ کمانڈنٹ مالاکنڈ ٹاسک فورس نے کیپٹن کرنل شیر خان کی قبر پر پھولوں کی چادر چڑھائی،تقاریب میں حاضر سروس و ریٹائر فوجی افسران اور سول افراد نے شرکت کی۔
...”There is nothing more honourable than laying one’s life for defence of the motherland. Nation is proud of its gallant sons for valour & unwavering allegiance to defend the country, regardless of the cost”. COAS (2/2)#OurMartyrsOurHeroes
صدر مملکت عارف علوی نے شہدائے کارگل کے 21 ویں یوم شہادت پر کیپٹن کرنل شیر خان شہید اور لالک جان سمیت تمام شہدا کو خراج عقیدت پیش کرتے ہوئے کہا ہے کہ مادر وطن کے دفاع میں اپنی جانیں قربان کرنے والے سپوتوں کو پوری قوم سلام پیش کرتی ہے ، وطن پر قربان ہونے والے یہ عظیم فرزندان جرات و شجاعت کی روشن مثالیں ہیں۔
دنیا کے بلند ترین محاذوں میں سے ایک کارگل پر 1999 میں بپا ہونے والا معرکہ ایسے بہادر اور نڈر سپاہیوں کی کہانی ہے جو زندگی پر شہادت کو زندگی پر ترجیح دیتے ہیں۔
معرکہ کارگل میں 27 سندھ رجمنٹ کے کیپٹن کرنل شیر خان کی خدمات ناردرن لائیٹ انفنٹری کے حوالے کر کے گلتاری کے بلند اور یخ بستہ محاذ پر بھیجا گیا۔کیپٹن شیر نے اپنے ساتھیوں کی مدد سے پانچ چیک پوسٹیں قائم کیں اور دشمن پرحملہ آور ہوکراسے پسپائی پرمجبور کر دیا۔ 5جولائی کو بھارتی فوج نے دو بٹالینز کی مدد سے کرنل شیر خان پرحملہ کیا اورایک چیک پوسٹ قبضہ میں لے لی۔چند گھنٹوں بعد ہی کیپٹن شیر خان اورچند ساتھیوں نے دشمن کی دو بٹالینز کو پسپائی پر مجبور کردیا۔ بھارتی بریگیڈیئرنے خط لکھ کران کی جرات اور اپنی بزدلی کو تسلیم کیا۔جنگ کے دوران بہادری کے اعتراف میں کیپٹن کرنل شیر خان کو نشان حیدر سے نوازا گیا۔
غذر کے گاوں یاسین کا 32 سالہ نوجوان لالک جان کارگل میں اگلے موچوں پر لڑنے کے لئے اپنی خدمات پیش کرتا ہے۔ جون1999 کے آخری ہفتے رات کے اندھیرے میں دُشمن کی ایک بٹالین کی نفری نے حوالدار لالک جان کی چوکی پر حملہ کیا۔حوالدار لالک جان اپنی جان سے بے پرواہ ہو کر مختلف پوزیشنوں سے دُشمن پر فائر کرتے اور ہر مورچے میں جا کر جوانوں کا حوصلہ بڑھاتے رہے۔ رات بھر لڑائی کے بعد صبح کی روشنی میں دُشمن لاشوں کے انبار چھوڑ کر فرار ہو گیا۔
آرمی چیف جنرل قمر جاوید باجوہ نے شہدا کو خراج عقیدت پیش کرتے ہوئے کہا ہر قمیت پر ملکی دفاع کیلئے بہادری سے ڈٹے رہنا ہی دھرتی ماں کے بیٹوں کا شیوہ ہے۔ مادر وطن کے دفاع کے لئے اپنی جان نچھاور کرنے سے بڑھ کر کوئی اعزاز نہیں، قوم کو اپنے بہادر بیٹوں پر فخر ہے۔پاک فوج نے کیپٹن کرنل شیر خان شہید، حوالدار لالک جان شہید کو بہادری، لازوال جذبے اور مثالی قیادت کا درخشندہ باب قرار دیا ہے۔
