لاہور: لڑکیوں کی تعلیم کے لیے سرگرم نوبیل انعام یافتہ ملالہ یوسف زئی ہائی اسکول کی تعلیم مکمل کرنے کے بعد سماجی رابطے کی مشہور ویب سائٹ ٹوئٹر کا حصہ بن گئیں۔ 7 جولائی کی شام 19 سالہ ملالہ یوسف زئی نے اپنی ٹوئٹس کے پہلے سلسلے میں اپنی سرگرمیوں اور کامیابیوں میں تعلیم کے اہم کردار کو واضح کیا۔
Today is my last day of school and my first day on @Twitter [THREAD]
— Malala (@Malala) July 7, 2017
ان کا کہنا تھا کہ 'آج میرا اسکول کا آخری دن جبکہ ٹوئٹر پر پہلا دن ہے'۔ ملالہ یوسف زئی کی ٹوئٹس کے بعد اب تک ان کے اکاؤنٹ کو فالو کرنے والے صارفین کی تعداد 3 لاکھ 75 ہزار تک جا پہنچی۔ نوبیل انعام اپنے نام کرنے والی کم عمر ترین طالبہ نے مزید لکھا کہ 'ہائی اسکول مکمل کرنا ان کے لیے تلخ و شیریں تجربہ تھا'۔
Graduating from secondary school (high school) is bittersweet for me. I'm excited about my future, but... 2/
— Malala (@Malala) July 7, 2017
یاد رہے اکتوبر 2012 میں طالبان حملے کے بعد علاج کے لیے برمنگھم جانے والی ملالہ برمنگھم کے ہی ایک اسکول میں زیرتعلیم تھیں۔ تعلیم کے فروغ کے لیے پرعزم طالبہ کا کہنا تھا کہ میں اپنے مستقبل کے حوالے سے پرجوش ہوں لیکن میں جانتی ہوں کہ دنیا بھر میں لاکھوں لڑکیاں اسکول نہیں جاتیں اور شاید انہیں اپنی تعلیم مکمل کرنے کا موقع کبھی نہیں مل سکے گا'۔
....I know that millions of girls around the world are out of school and may never get the opportunity to complete their education. 3/
— Malala (@Malala) July 7, 2017
اپنے ٹوئٹر پیغام میں انہوں نے مزید لکھا کہ ''ہر لڑکی کی ایک منفرد کہانی ہوتی ہے جبکہ تعلیم اور مساوات کی جنگ میں لڑکیوں کا آواز بلند کرنا ہمارا سب سے اہم ہتھیار ہے'۔
Each girl’s story is unique — and girls' voices are our most powerful weapons in the fight for education and equality. 5/
— Malala (@Malala) July 7, 2017
واضح رہے کہ ملالہ یوسف زئی کو آکسفورڈ یونیورسٹی میں تعلیم حاصل کرنے کی بھی پیشکش کی جا چکی ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
