لاہور: رواں سال سے لاہور میں نہم جماعت کے اسلامیات لازمی کے امتحان کو 100 نمبروں کا کر دیا گیا ہے۔ تعلیمی بورڈز نے تمام سکولوں کو اس حوالے سے ہدایات جاری کر دی ہیں۔
آئندہ سے نہم جماعت کے امیدواروں کے لیے اسلامیات کے امتحان میں 3 گھنٹے کا وقت دیا جائے گا۔ پنجاب ٹیکسٹ بورڈ نے اسلامیات کے امتحان کے لیے ماڈل پیپر بھی جاری کر دیے ہیں، جو تمام تعلیمی بورڈز کی ویب سائٹس پر اپ لوڈ کر دیے گئے ہیں۔ اس سے پہلے اسلامیات اور مطالعہ پاکستان کے امتحان کا پرچہ 50، 50 نمبروں کا ہوتا تھا۔