واشنگٹن : امریکا کے نومنتخب صدر ڈونلڈ ٹرمپ نے کینیڈا کو امریکہ کا حصہ بنانے کی دھمکی دیتے ہوئے کہا ہے کہ اگر کینیڈا امریکا کے ساتھ ضم ہو جائے تو کوئی ٹیکس نہیں لیا جائے گا۔؎
ٹرمپ نے کینیڈین وزیراعظم جسٹن ٹروڈو کے استعفے کے حوالے سے ردعمل دیتے ہوئے کہا کہ کینیڈا میں بہت سے لوگ امریکا کی 51ویں ریاست بننے کی خواہش رکھتے ہیں۔ انہوں نے مزید کہا کہ امریکا کینیڈا کو زندہ رکھنے کے لیے تجارتی خسارے اور سبسڈیز کا متحمل نہیں ہو سکتا۔ نومنتخب امریکی صدر نے یہ بھی کہا کہ جسٹن ٹروڈو کو ان باتوں کا علم تھا، یہی وجہ ہے کہ انہوں نے استعفیٰ دیا۔